Virgeoapmahaččaid digipoasta juksá dál sihkkarabbot - oaččut almmuhusa go duođaštat identitehta virgeoapmahaččaid elektrovnnalaš bálvalusaide
2.12.2025 rájes oaččut Suomi.fi-identitehta duođašteami oktavuođas muittuhusa, jos dus lea ođđa sátni Suomi.fi-sániin. Muittuhus oidno, go duođaštat identitehta stáhta, gieldda dahje buresveadjinguovllu elektrovnnalaš áššiiddikšunbálvalusaide. Nuppástus veahkeha sihkkarastit, ahte dehálaš virgeoapmahaččaid sánit, dego mearrádusat, rehkegat ja áigevárrenreivet, fuomášuvvojit sihkkarit.
- Suomi.fi-sánit almmuha juo dál iežas geavaheaddjái ođđa sániin, mat leat boahtán. Geavaheaddji oažžu almmuhusa ođđa elektrovnnalaš sánis dan e-poastačujuhussii, man son lea almmuhan Suomi.fi-sániide. Maiddái Suomi.fi-áppa almmuha ođđa sánis, jos lea luđen áppa atnui. Dál almmuhus, mii lasihuvvo identitehta duođašteami oktavuhtii, fállá vel ovtta vuogi fuobmát logakeahtes sániid. Dalle dehálaš sánit eai báze fuomáškeahttá, muitala Suomi.fi-sániid bálvalanoamasteaddji Maria Juka-Lahdenperä Digi- ja álbmotdiehtodoaimmahagas.
Diehtu ođđa boahtán sánis oidno identitehta duođašteami oktavuođas dalle, go geavaheaddjái lea boahtán Suomi.fi-sániide ođđa sátni dan maŋŋá, go son lea ovddit háve fitnan bálvalusas.
Virgeoapmahašpoasta boahtá jagi 2026 rájes ovdasajis elektrovnnalaččat
Jagi 2026, go láhkaásaheapmi boahtá fápmui, mii guoská digitála virgeoapmahašpoastta ovdasaji, Suomi.fi-sánit boahtá atnui buohkaide dievasahkásaččaide, geat dikšot áššiid digitálalaččat, geat eai leat váldán bálvalusa ovdal atnui. Suomi.fi-sánit boahtá atnui, go olmmoš duođašta identitehta vuosttas háve jagi 2026 lága fápmui boahtima maŋŋá muhtun virgeoapmahačča elektrovnnalaš áššiiddikšunbálvalussii. Identitehta duođašteami oktavuođas olbmui muitaluvvo Suomi.fi-sániid atnui boahtimis ja bivdojuvvo addit e-poastačujuhus, masa almmuhusaid ođđa Suomi.fi-sániide boahtán sániid birra sáddejuvvo. Nuppástusa maŋŋá virgeoapmahašpoastta vuostáiváldá ovdasajis digitálalaččat badjel njealje miljovnna olbmo.
Nuppástus ii guoskka olbmuid, geat eai geavat almmolaš hálddahusa elektrovnnalaš áššiiddikšunbálvalusaid, vuolleahkásaččaid dahje sin, geain lea ovdogohccin dahje geain lea fámolaš ovdogohcinfápmudus. Sii ožžot virgeoapmahaččain poastta boahttevuođasge báberpoastan.
Geavaheaddji sáhttá nuppástusa maŋŋá sirdásit, jos háliida ruovttoluotta báberpoastta vuostáiváldin. Almmuhusa máhccamis báberpoastta vuostáiváldin sáhttá dahkat Suomi.fi-sániid ásahusain dahje, nu ahte váldá oktavuođa Digi- ja álbmotdiehtodoaimmahaga áššehasbálvalussii.
- Máhccama báberpoastta vuostáiváldin sáhttá goittotge dahkat easkka Suomi.fi-sániid atnui váldima maŋŋá jagi 2026 bealde, go láhka lea boahtán fápmui ja elektrovnnalaš poastakássa lea ráhkaduvvon, ii ovddalgihtii. Válljejupmi lea fámus jahkebeali ain hávil. Jos jahkebeali maŋŋá duođašta ođđasit identitehta virgeoapmahaččaid áššiiddikšunbálvalusaide, Suomi.fi-sánit boahtá ođđasit atnui, dadjá Juka-Lahdenperä.
Geavadaga rávvagat Suomi.fi-sániid geavahussii
Fina geahččamin Suomi.fi-sániid jeavddalaččat, vai buot dehálaš sánit lohkkojit.
Suomi.fi-áppa ja e-poastaalmmuhusat veahkehit fuobmát sániid dalán.
Suomi.fi-áppa gávdno áppagávppiin.
Ale goassege sirdás Suomi.fi-sániide liŋkka bokte, mii gávdno e-poasttas, teakstadieđus dahje eará sajis. Jos geavahat Suomi.fi-sániid dihtoriin dahje telefovnna neahttaloganiin, gánneha ieš čállit čujuhusa suomi.fi/viestit neahttalogana čujuhuslinnjái. Ale geavat ohcanmášeniid bohtosiid dahje eará liŋkkaid, mat sáhttet doalvut boastto siidui.
Lassedieđut
Suomi.fi-bálvalusaid bagadeapmi: t. 0295 0000
Lassedieđut digitála virgeoapmahašpostii sirdáseapmái
Lassedieđut: Mii lea Suomi.fi-sánit?
Lassedieđut mediai
Suomi.fi-sániid bálvalanoamasteaddji Maria Juka-Lahdenperä, Digi- ja álbmotdiehtodoaimmahat, [email protected]
Digi ensin -prošeaktahoavda Annette Hotari, Digi- ja álbmotdiehtodoaimmahat, [email protected]
Mii lea Suomi.fi-sánit?
Suomi.fi-sánit lea álbmotlahtu elektrovnnalaš poastakássa virgeoapmahašpoasttaide. Dohko boahtá poasta máŋgga sierra virgeoapmahaččas ja dohko boahtti sánit buhttejit báberpoastta. Boahtteáiggis máŋggat dehálaš reivet gávdnojit ovtta ja seamma bálvalusas.
Boahtán sániid sáhttá lohkat Suomi.fi-mobiilaáppain dahje, nu ahte duođašta identitehta Suomi.fi-neahttabálvalusas čujuhusas https://suomi.fi. Ná boahtán poastta sáhttá lohkat, gos beare jođátge.
Almmuhusat ođđa sániin bohtet e-poastačujuhussii, man geavaheaddji lea almmuhan bálvalussii. Suomi.fi-mobiilaáppa geavaheaddjit ožžot almmuhusa maiddái njuolga áppa bokte.
Sirdáseapmi báberpoastta vuostáiváldimis elektrovnnalaš virgeoapmahašpostii gáibida nuppástusaid iežas hárjánumiide: elektrovnnalaš poastakássa gánneha fitnat guovlamin seamma láhkai go fysalaš poastakássa.
