Vihaheapmi sáhttá leat siviilavihaheapmi dahje girkolaš vihaheapmi. Siviilavihahemiid doaimmahit Digi- ja álbmotdiehtodoaimmahat ja gearretrievttit . Girkolaš vihahemiid doaimmahit evangelalaš luteralaš ja ortodoksalaš girku ja dihto registrerejuvvon oskkoldatovttastumit.

Mii vihahit náittoslihttui seamma- dahje eará sohkabealat páraid min bálvalanbáikkis nappo mágistráhtas vihahandadjosa mielde. Vihaheaddjin doaibmá heaggačálli dahje almmolaš notára. Vihaheapmi lea mágistráhtas nuvttá virgeáiggis. Sáhttibeahtti maid bivdit vihaheami eará baikkis, ovdamearkka dihte iežade ávvudanbáikkis. Dalle vihaheamis galgá máksit.

Vihaheami eaktun lea ahte náittoslihtu eastagat leat dutkojuvvon. Bivdi náittoslihtu eastagiid dutkama áiggil, goittotge áramustá 4 mánu ovdal vihaheami.

Dilálašvuođas galget leat unnimustá guokte 15 jagi deavdán vihtana. Sáhttibeahtti buktit iežade vihtaniid, dego ustibiid dahje bearašlahtuid. Mii ordnet doaimmahagas guokte vihtana jus lea dárbu. Vihahandilálašvuođas párra ferte duođaštit iežaska identitehtaid vihaheaddjái.

Oskkoldatovttastumiin dahje gearretrivttiin čađahuvvon náittoslihtut registrerejuvvojit Digi- ja álbmotdiehtodoaimmahagas álbmotdiehtovuogádahkii. Registreremat dahkkojuvvojit vihaheaddji almmuhusa vuođul.