Sohkanamma náitalettiin

Go bivdibeahtti náittoslihtu eastagiid dutkama, galgabeahtti almmuhit dudno sohkanamaid vihaheami maŋŋel. Sáhttibeahtti bisuhit dudno sohkanamaid dahje molsut daid.

Sohkanama molsun vihaheami oktavuođas lea nuvttá dalle go

  • váldibeahtti nuppi beallelačča nama oktasaš sohkanamman
  • nubbi dahje goabbáge beallelaš váldá sohkanammagollosa.

Sohkanammagollosis sáhttet leat eanemustá guokte sohkanama. Daid sáhttá ovttastahttit goallossázuin dahje čállit sierra.

Eará sohkanammamolssaeavttut, dego ođassohkanamat, leat maid vejolaččat. Jus áigubeahtti dakkár nama, fertebeahtti dahkat nammamolsunohcamuša, millosepmosit vihaheami maŋŋel. Dakkár nammalonuhemiid ovddas ferte máksit.

Bargga ná

  • Oahpásnuvvi eará sohkanammamolssaeavttuide Digi- ja álbmotdiehtodoaimmahaga neahttasiidduin ovdalgo bivdibeahtti náittoslihtu eastagiid dutkama.
  • Bivdi náittoslihtu eastagiid dutkama Digi- ja álbmotdiehtodoaimmahaga neahttabálvalusas ja almmuheahkki bivdagis mat sohkanamat dudnos leat vihaheami maŋŋel.
  • Digi- ja álbmotdiehtodoaimmahat vurke molsašuvvan sohkanama álbmotdiehtovuogádahkii muhtun beaivve sisa vihaheamis. Nammamolsuma maŋŋel oažžut ođđa Kela-koartta, muhto fertet ieš ođasmahttit pássa, persovdnakoartta ja vuodjinkoartta.

    • Geasa ja makkár eavttuiguin

    Dárbbašat beallelaččat miehtama, jus áiggut váldit su sohkanama dahje oasi su sohkanammagollosis alccet. Du beallelaš sáhttá miehtat dasa juo náittoslihtu eastagiid dutkanbivdagis.

    Ovddeš náittosguoimmi sohkanama ii sáhte váldit ođđa beallelaččain oktasaš sohkanamman dahje oktasaš sohkanammagollosa oassin .

    Mii sihkkarastit náittoslihtu eastagiid dutkama oktavuođas dudno sohkanama lágalašvuođa ja bivdit lassečilgehusa jus lea dárbu. Sohkanama lágalašvuohta nannejuvvo náittoslihtu eastagiid dutkanduođaštusas.

    Áššehasbálvalus 

    Áššehasbálvalus: 0295 539 262. 

    Davvisámegielat bálvalannummir bálvala disttagaid dmu 9–11. 

    Don sáhtát váldit oktavuoða maiddái šleadgapoasta bokte. Dieðuid suollemassandoallama dihte geavat šleadgapoastta sáddemii DVV dorvopoastta. Vállje dorvopoasttas vuosttáiváldin [email protected].

    Bálvalusat davvisámegillii

    Náittoslihttoáššit dego náittoslihtu eastagiid dutkanduođaštusa, vihaheami ja vihahanduođaštusa oažžu háliidettiinis davvisámegillii. Maiddái muhtin eará skovit leat oažžumis davvisámegillii.