Midjiide bargui

Digi- ja álbmotdiehtodoaimmahagas hukset njuovžilis Suoma. Mihttomearrámet lea digitála servodat, mas árgabeaivvi áššiid sáhttá dikšut álkit ja dorvvolaččat.
Mis beasat ovddidit bálvalusaid almmolaš ja priváhta organisašuvnnaide, mat sihkkarastet servodaga luohttevaš doaibmama. Hukset roahkkadit ođđa, dorvvolaš digičovdosiid, vai árgabeaivvi áššiid dikšun livččii njuovžilis. Lassin bargat olmmošlaš áššiiguin, go leat mielde olbmo máŋgga eará muttuiguin.

Háliidat leat min áššehasaide ja ovttasbargoguimmiide luohtehahtti, višunára ja bivnnut guoibmi. Leat aktiivvalaččat fierpmádatovttasbarggus ja movttiidahttit min virgeolbmuid oassálastit ja váikkuhit almmolaš ságastallamii.

Bidjat deattu garrasit bargoveahkamet karrieara- ja skuvlenvejolašvuođaide sihke barggu ja virgedoaimmahaga doaibmavugiid gárgeheapmái.

Ráhkesvuođadoaimmahahkan diehtit, ahte olbmuin lea eallin maiddái bargosaji olggobealde. Dan dihtii leat soddjilat olbmuid eallindili mielde, fuolahat bargoveahkamet bargoburesveadjimis ja fállat bargoveahkaovdduid, mat dorjot eallima lágan árgga.

Min virgedoaimmahagas barget badjel 800 bargi miehtá Suoma. Juohkehaš mis dahká mearkkašahtti barggu olles servodaga ovdii. Ráhkesvuođadoaimmahahkan atnit árvvus bargoservoša máŋggahámatvuođa ja ovttaveardásašvuođa. Mis barget sierraahkásaš ámmátolbmot logiiguin sierra skuvlejumiiguin. Sávvat boahttevuođasge bargoservošii ođđa bargoguimmiid earálágan duogážiin.

Virgedoaimmahat bargosadjin 

Min mihttomearrámet lea šaddat máilmmi buoremus virgedoaimmahahkan. Suomas lea máilmmi buoremus hálddahus, nuba leat buriin leavttuin mannamin mihttomearrámet guvlui. Doaibmat modeardna bargobirrasiin ja min anus leat otnábeaivve bargoneavvut, mat gárganit geažos áigge, ja addet vejolašvuođa máŋgga hámi bargamii.

Jáhkkit dasa, ahte juohke bargi háliida dahkat buori barggu, mii bohciidahttá bohtosa. Háliidat sihkkarastit, ahte min bargiin leat buoremus vejolaš dilit bargat, ovddidit min ovddasvástádusa vuolde lean bálvalusaid ja ovdánit ámmátolmmožin. Diehtit maiddái, ahte olbmuin lea eallin maiddái bargosaji olggobealde. Danin leat soddjilat olbmuid eallindiliid ektui. Bargodoaimma mielde ovdamearkan hybridabargan lea anus viidát. 

Barggut

Digi- ja álbmotdiehtodoaimmahagas min áššedovdit fállet máŋggalágan vejolašvuođaid ávkkástallat ja ovddidit du čehppodagat. Háliidat, ahte loavttát bargat mis ja dan dihtii min barggut leatge miellagiddevaččat, vásttolaččat ja iešráđálaččat.
Bargoaddin mii fállat vejolašvuođa lávket fárrui digitála bálvalusaid sihke eallindili vuođu miel bálvalusaid ovddideapmái ja servodatlaš váikkuheapmái. Virgedoaimmahagas bargat ovdamearkan person- ja organisašuvdnaáššehasaiguin, muhto maiddái servodatlaš ovdánahttinprošeavttain ja fidnuin, mat laktásit digitaliserema ovddideapmái.
Oktasaš midjiide lea mihttomearri ovddidit njuovžilut Suoma.

Du barggut sáhtte laktásit ovdamearkan čuovvovaš fáddábirrasiidda:

• person- ja organisašuvdnaáššehasat: eallindáhpáhusat, vihaheamit ja náittoslihtu eastagiid dutkan, registtardieđut, sohkačielggadeamit, ovddugohcin, fárremat, nammarievdadeamit, árbeáššit, válggat ja olgoriikalaččaid registreren.
• digitaliserema ovddideapmi: Suomi.fi, identitehta duođaštanbálvalusat ja sihkkarastimat, elektrovnnalaš áššiid dikšun ja bálvalushábmen, diehtosuodji ja digidorvu, diehtohálddašeapmi sihke EU- ja riikkaidgaskasaš áššit.