Digi- ja álbmotdiehtodoaimmahat

Digi- ja álbmotdiehtodoaimmahat ovddida servodaga digitaliserema, dorvvasta dieđuid fidnema ja fállá bálvalusaid áššehasaid eallindiliide.

Digi- ja álbmotdiehtodoaimmahaga bargun lea doaibmat ofelažžan, ođasmahttit servodaga ja doarjut olbmuid áššiid doaimmaheami almmolaš hálddahusas. Min ulbmilin lea dahkat Suomas ain njuovžileappot doaibmi servodaga. Digitaliseren lea okta mearkašahtti vuohki olahit dan ulbmila.

Doaimmahat álggahii doaimmas 1.1.2020 go Álbmotregisttarguovddáš, mágistráhtat ja Nuorta-Suoma guovlohálddahusdoaimmahagas doaibmi Mágistráhtaid stivren- ja ovddidanguovddáš (MOK) ovttastuvve.

Mis leat bálvalanbáikkit birra Suoma. Min doaibmanmálle lea riikkaviidosaš. Olmmoš sáhttá doaimmahit áššis gos beare min bálvalanbáikkiin.