Virgeomâhâšpostâ muttoo iänáážin šleđgâhámásâžžân: tiäđuh já toorjâ fáállun aalmugjesânáid

Ovdâskodde tuhhiittij 11.3.2026 lahânubástusâid, moi mield digitallávt ášástelleeh finnejeh virgeomâhái vuolgâttem poostâ puátteevuođâst vuosâsajasávt digitallávt. Pááppárhámásâš virgeomâhâšpostâ siäilu muulsâiähtun puohháid. Toh, kiäh iä ášástâl digitallávt, iä taarbâš porgâđ maiden. Nubástus váátá vala laavâi nanodem já šodâččij vuáimán cuáŋuimáánu 14. peeivi 2026.

Laavâ vuáimán šoddâm maŋa olmooš, kote čáládât monnii virgeomâháá digitallii palvâlusân, stivrejuvvoo väldiđ Suomi.fi-viestâid kiävtun. Digitallâš postâloová ráhtoo ain ulmuu noonâ tubdâttâtmáin, ige tot šoodâ kiävtun automatlávt tuávváást tâi ulmuu tieđehánnáá.

– ”Jo paijeel 2,6 miljon olmožid kevttih Suomi.fi‑viestâid, já laavâ vuáimán šoddâm maŋa Suomi.fi-viestah šaddeh kiävtun vala masa 1,8 miljon ulmui – ohtsis paijeel neelji miljonân”, muštâl hahâhovdâ Annette Hotari Digi‑ já aalmugtiätuvirgáduvâst.
 
Vuosâsajasávt digitallâš virgeomâhâšpostâ ij kuoskâ vyeliahasijd, hiäđukocceem vuálásijd ulmuid iäge toid, kiäin lii nanodum hiäđukocceemvalduuttem. Nubástus ij meidgin oinuu toid, kiäin lii jo Suomi.fi-viestah kiävtust. 

– ”Mij halijdep muásuttiđ taid, kiäh imâšteleh nubástus: jis ij keevti virgeomâhái digipalvâlusâid tâi noonâ tubdâttâttâm niävuid, te mihheen ij muttuu já virgeomâhái vuolgâttem postâ puátá puátteevuođâst-uv pááppárhäämist. Sierânâs almottâsâid Digi- já aalmugtiätuvirgádâhân tâi eres virgeomâháid ij taarbâš porgâđ, ”Hotari iätá.

Maccâm pááppárpoostân lii máhđulâš oovtâ ihán häävild 

Jis digipalvâlusâid kevttee olmooš haalijd sirduđ maasâd pááppárpoostân Suomi.fi-viestâi kiävtun väldim maŋa, te tot lii máhđulâš. Valjim puáhtá porgâđ jieš Suomi.fi-viestâi asâttâsâin. Virgeomâhái vuolgâttem postâ ij puáđi siämmáá-áigásávt sehe pááppárreivân já šleđgâhäämist.

Valjim lii vyeimist 365 peivid häävild. Ton ääigi virgeomâhái vuolgâttem postâ toimâttuvvoo pááppárreivân. Ko meriäigi nohá já olmooš čáládât vuossâmuu tove virgeomâhái digitallii palvâlusân, te sun stivrejuvvoo väldiđ Suomi.fi-viestâid uđđâsist kiävtun. Suomi.fi-viestah ij aktivistuu kiävtun automatlávt tuávváást.

Tiäđuh já toorjâ fáállun puhelimáin, webinarijn já tilálâšvuođâin

Digi- já aalmugtiätuvirgádâh fáálá torjuu nubástus várás maŋgáin vuovvijn. Jis koččâmuš kuáská digitallii virgeomâhâšpoostân tâi Suomi.fi-viestâi kevttimân, te iše finnee puhelimáin Suomi.fi-palvâlusâi ravvimpalvâlusâst. Táárbu mield puhelimáin puáhtá meid väridiđ ääigi Digi- já aalmugtiätuvirgáduv kollimášástâlmân. Jis koččâmuš lohtâs joođoost leijee áášán, te torjuu addel tot virgeomâhâš, moin olmooš ášástâl.

Mij muštâlep nubástusâst mielâstân lase meid jieškote-uv tuáimeid, viärmáduvváid já tábáhtuumijn. Mij movtijdittep ton lasseen orniđ webinarij ohtâvuotân káidusčuávvumtilálâšvuođâid. Vuossâmuš webinar uárnejuvvoo 9.4.2026 tme 10, já tom puáhtá čuávvuđ Yle Areena Avoin Areena -palvâlus peht. Webinarist puáhtá meid koijâdâllâđ.

Lasetiäđuh

Digi- já aalmugtiätuvirgádâh, hahâhovdâ Annette Hotari, [email protected] 

Liŋkkâ

• Suomi.fi-viestâi ravvuuh
• Suomi.fi-palvâlusâi ravvimpalvâlus - Toorjâ já ravvim 
• Uásálist káidusinfotilálâšvuođáid: Virgeomâhâšpostâ muttoo šleđgâhámásâžžân digitallijd palvâlusâid kevtteid cuáŋuimáánu ääigi
• Liŋkkâ 9.4.2026 webinarân