Veʹrǧǧneǩpååʹšt mottai väʹlddvueʹzzest liâđǥlõʹžžen: teâtt da staan taʹrjjeemnalla meerlaid

Eeʹttiǩ-kåʹdd lij priimmâm 11.3.2026 lääʹǩǩmuttsid, koon mieʹldd digitaalʼlânji äʹššõõtti vuäǯǯa veʹrǧǧniiʹǩǩi vuõltteem pååʹšt juätkast vuõss-sââʹjest digitaalʼlânji. Põʹmmaiǩeʹrjjen veʹrǧǧneǩpååʹšt seill vaajtõsmäinnan pukid. Tõk, ǩeäk jiâ äʹššõõđ digitaalʼlânji, ij taarbaš tuejjeed ni mâiʹd. Muuttâs oudldâstt veâl lääʹjji raʹvvjummšid da puäđči viõʹǩǩe 14. pââʹzzmannu 2026.

Lääʹjj viõʹǩǩepueʹttem mâŋŋa ooumaž, kååʹtt ǩeʹrjjââtt koon-ne veʹrǧǧneeʹǩǩ digitaalʼlaž kääzzkõʹsse, ohjjee väʹldded Suomi.fi -saaǥǥid õnnu. Digitaalʼlaž pååʹštčuuʹǩǩ räʹjje pâi oummu ravvõs tobddõõttmõõžžin, ij-ga tõt puäʹđ õnnu automaattlânji tuâǥǥast leʹbe oummu tieʹđǩâni.

– Juʹn pâʹjjel 2,6 miljoon oummu âʹnne Suomi.fi -saaǥǥid, da lääʹjj viõʹǩǩepueʹttem mieʹtt Suomi.fi -saaǥǥ puäʹtte õnnu veâl âlddsin 1.8 miljoonaaʹje – õhttsõʹžže pâʹjjel 4  miljoonaaʹje. Ceälkk haʹŋǩǩõs-šurr Annette Hotari Digi- da narodteâttkonttrest.
 
Vuõss-sââʹjest digitaalʼlaž veʹrǧǧneǩpååʹšt ij kuõsk vueʹllâkksaid, ouddõsvalvvmõõžžâst åårrai ij-ga tõid, kook liâ raʹvvjam ouddõsǩiõččiväʹlddǩeeʹrj. Muuttâs ij kueʹst ni tõid, ǩeäin liâ juʹn Suomi.fi -saaǥǥ âânnmõõžžâst.

– Haaʹleep rääuhted tõid, ǩeäiʹd muuttâs smiõttâd: jõs jiõk ââʹn veʹrǧǧniiʹǩǩi digikääzzkõõzzid leʹbe ravvõs tobddõõttâm neävvaid, tâʹl ni mii ij mottai da veʹrǧǧniiʹǩǩi vuõltteem pååʹšt puätt juätkast še põʹmmaipååʹšten. Jeäʹrbid iʹlmmtõõzzid Digi- da narodteâttkonttra leʹbe jeeʹres veʹrǧǧniiʹǩǩid ij taarbaš raajjâd, Hotari ceälkk.

 Mäccmõš põʹmmaipååšta lij vueiʹtlvaž pirreeǥǥaž vuârstes

Jõs digikääzzkõõzzid õõʹnni ooumaž haaʹlad siirdčõõttâd mååusat põʹmmaipååšta Suomi.fi -saaǥǥi õnnu väʹlddem mâŋŋa, tõt lij vueiʹtlvaž. Vallʼjõõzz vuäitt tuejjeed jiõčč Suomi.fi saaǥǥi šiõttõõzzin. Veʹrǧǧniiʹǩǩi vuõltteem pååʹšt ij puäʹđ seämma- äiggsânji põʹmmaiǩeʹrjjen da liâđǥlõʹžžen.  
 
Vallʼjõs lij viõǥǥâst 365 peiʹvved vuârstes. Tõn poodd veʹrǧǧniiʹǩǩi vuõltteem pååʹšt tååimte põʹmmaiǩeʹrjjen. Mâŋŋa ǥu mieʹrräiʹǧǧ poott da ooumaž ǩeʹrjjââtt vuõss vuâra veʹrǧǧniiʹǩǩi digitaalʼlaž kääzzkõʹsse, suu ohjjee väʹldded Suomi.fi -saaǥǥid oʹđđest õnnu. Suomi.fi -saaǥǥ jiâ aktivâsttʼtõõv õnnu automaattlânji tuâǥǥast.

Teâtt da staan taʹrjjeemnalla teʹlfoonin, webinaarin da noorõõttmõõžžin

Digi- da narodteâttkoontâr taʹrjjad staan muttsa tääuʹjab naaʹlin. Jõs kõõččmõš kuâskk digitaalʼlaž veʹrǧǧneǩpååʹšt leʹbe Suomi.fi -saaǥǥ âânnmõõžž, vieʹǩǩ vuäǯǯ teʹlfoonin Suomi.fi -kääzzkõõzzi vuäʹpstempääiʹǩest. Taarbšeʹmmen teʹlfoonin vuäitt še vaʹrrjed ääiʹj digi- da narodteâttkonttâr jååʹttemäʹššõõttmõʹšše. Jõs kõõččmõš kool ǩiõttʼtõõllâm vueʹlnn åårrai äšša, staan oudd tõt veʹrǧǧneǩ, ǩeäin leäk äʹššõõttmen.

Mainstep muttsest miõllsânji lââʹss še jeeʹres toiʹmmjeeʹjid, säiʹmmõõzzid da noorõõttmõõžžin. Äjšmâʹttep lââʹzzen jäʹrjsted webinaari õhttvuõʹtte olgglõs- ǩiõččâmsõõʹjid. Vuõssmõs webinaar jäʹrjste 9.4. čiâss 10, da tõn vuäitt seurrad Yle Areena Avoin Areena -kääzzkõõzz pääiʹǩ. Webinaarâst vuäitt še kõõččâd kõõččmõõžžid.  

Lââʹssteâđaid

Digi- da narodteâttkoontâr, haʹŋǩǩõs-šurr Annette Hotari, [email protected]

Liŋkk

• Liŋkk staanaunnsa: Mõõk liâ Suomi.fi-saaǥǥ?  
• Suomi.fi-palvelujen neuvonta - Tuki ja neuvonta
• Lââʹssteâđaid: Vuässõõđ olgglõsinfonoorõõttmõõžžid: Veʹrǧǧneǩpååʹšt mottai liâđǥlõʹžžen digitaalʼlaž kääzzkõõzzid õõʹnnʼjid pââʹzzmannu poddân
• Liŋkk 9.4. webinaaʹre