Digi- ja álbmotdiehtodoaimmahat lea almmustahttán vuosttas sisdoaluid neahttasiidduinis davvisámegillii. Boahttevuođas mihttomearrin lea viiddidit sisdoaluid ja boahtte jagi áigge ovddidat eandalii sisdoaluid, main muitaluvvo personáššehasaide oaivvilduvvon bálvalusain ja virgedoaimmahaga doibmii gullevaš áššiin. Digi- ja álbmotdiehtodoaimmahat fállá maiddái áššehasbálvalusa davvisámegillii.
Suomi.fi-siidduide ráhkaduvvo sámegielat bálvalusaid ohcansiidu
Sámedikki, DVV ja Mii ovttas -fierpmádaga ovddit ságastallamiid vuođul DVV lei jo plánegoahtán Suomi.fi-siidduide ohcansiiddu anáraš-, nuortalaš- ja davvisámegielat bálvalusain. Ohcansiiddu lea ulbmil almmustahttit jagi 2026 áigge.
Suomi.fi lea DVV hálddašan ohcansiidu, mii veahkeha ja oahpista olbmuid ja fitnodagaid dikšut árgabeaivvi áššiid virgeoapmahaččaiguin ja almmolaččat ávkkálaš organisašuvnnaiguin. Ođđa bálvalusaid ohcansiiddu sávvet álkidahttit sápmelaččaid vejolašvuođa gávdnat dieđu iešguđet virgeoapmahaččaid sámegielat bálvalusain, nu ahte dat leat čohkkejuvvon ovtta sadjái ja maiddái lasihit sámegielat bálvalusaid geavaheami.
Lassidieđut:
Áššehasbálvalus
Sámegielat bálvalusat (dvv.fi/se)
